شارك الموضوع

 طريقة المكرونة بالبط بأسهل الطرق 

المقادير

- 1 كيس مكرونة قلم / فرن الملكة (400 جم)
- 1 بطة متوسطة الحجم (مسلوقة)
- 4 معالق دقيق كبار
- 2 كوباية لبن
- 2 كوباية شوربة بط
- 2 بيضة
- 2 معلقة سمنة كبار
- رشه ملح وفلفل

طريقة التحضير

نسلق المكرونة ونخلى البطة من العضم والجلد.

البشاميل :
نشوح الدقيق فى السمنة ونضيف عليها اللبن والشوربة باردين ونقلب لحد لما يغلوا.
نتبلهم بالملح والفلفل ونسيبهم يبردوا ونضيف بيضة ونقلب.
نشيل ربع الكمية فى طبق ونضيف المكرونة على باقى البشاميل ونقلبهم.
نحضر صنية متوسطة الحجم مقاس 24 وندهنها بالسمنة ونرشها بالبقسماط الناعم، نحط تلت الكمية من المكرونة. نضيف كمية من البط المخلى و بعدين نضيف التلت التانى من المكرونة و بعدين باقى البط المخلى و فى الآخر نضيف باقى المكرونة.
نحط عليها باقى كمية البشاميل ونحط علي وش الصنية البيضة ونرش على الوش فلفل أسود ويدخل الفرن على درجة حرارة 180 درجة لمدة ربع ساعة لحد لما الوش يحمر. 

الصحة والرجيم